آر اے شمشاد
ایشیا کپ سپر فور مرحلے کا آغاز ہو چکا ہے ۔ پہلے میچ میں بنگلہ دیش اور سری لنکا کی ٹیمیں مد مقابل آئی ہیں ۔ روایتی حریف پاکستان اور بھارت کی ٹیمیں کل 21ستمبر کو مد مقابل آئیں گی ۔
https://www.youtube.com/watch?v=MatNIepzVzs
ہمیشہ کی طرح کرکٹ شائقین کے دلوں کی دھڑکنیں بےترتیب کرنے کا وقت ہو گیا ہے۔ دنیا بھر کی نظریں پاک بھارت ٹاکراپر لگی ہیں ۔ اس سےقبل دونوں ٹیمیں گروپ میچ میں ایک دوسرے کے مد مقابل آئی تھیں جہاں بھارت نے شاہینوں کو شکست دی تھی تاہم بھارتی کپتان سوریا کمار یادیو کی جانب سے پاکستان کرکٹ ٹیم کے کپتان سلمان علی آغا سے مصافحہ نہ کرنے کے باعث شائقین نے انہیں آڑے ہاتھوں لیا تھا۔وہیں میچ ریفری اینڈی پائیکرافٹ نے ٹاس سے قبل پاکستانی کپتان کو آگاہ کیاتھا کہ بھارتی ٹیم کے کپتان سوریا کوریا ان سے مصافحہ نہیں کریں گے ۔ میچ کے بعد پی سی بی کی جانب سے میچ ریفری اینڈی پائی کرافٹ کی تبدیلی تک کسی بھی ایشیا کپ کے میچ میں حصہ نہ لینے کا اعلان کیاتھا تاہم پائی کرافٹ کی جانب معافی مانگنے کے بعد یہ تنازع اپنے اختتام کوپہنچ گیا تاہم یہ واقعہ اس ٹورنامنٹ پر اپنا گہرا نقوس چھوڑ گیا ہے ۔متعدد سابق کرکٹرز نے بھی اس رویے پر انہیں آڑے ہاتھوں لیا ہے ۔بھارت سے بھی اس پر متعدد آوازیں اٹھ رہی ہیں کچھ کرکٹ کے فینز کا کہنا ہے کہ اگر ایسا ہی کچھ کرنا تھا تو بھارتی ٹیم کو میچ کا ہی بائیکاٹ کرنا چاہئے تھے ۔ٹاس کے بعد دونوں کپتان کے درمیان مصافحہ ایک اچھی روایت ہے جسے تسلسل کے ساتھ برقرار رہنا چاہئے اورکرکٹ میں سیاست کا عمل دخل نہیں ہونا چاہئے ۔
https://www.youtube.com/shorts/VEs56bD3k3o
کل 21ستمبر کو روایتی حریف پاکستان اور بھارت سپر فور مرحلے میں ایک بار پھر آمنے سامنے ہیں اور دنیا بھر کی نظریں اس وقت بھی بھارتی ٹیم کے رویہ کی جانب ہیں ۔بھارتی کپتان سوریا کمار پہلے ہی گروپ میچ میں مصافحہ نہ کرنے پر شائقین کرکٹ کی جانب سے شدید تنقید کی زد میں ہیں ۔اب دیکھتے ہیں کہ کل پاک بھارت ٹاکرے میں اونٹ کس کروٹ بیٹھتا ہے ۔
