وزیراعلیٰ پنجاب مریم نواز نے بسنت 2027 کی تاریخوں کا اعلان کردیا۔ لاہور میں آئندہ سال تین روزہ بسنت فیسٹیول 12، 13 اور 14 مارچ 2027 کو منعقد ہوگا۔
مریم نواز کے مطابق کامیاب بسنت 2026 کے بعد لاہور ایک بار پھر رنگوں، ثقافت، موسیقی اور جشن کا مرکز بنے گا۔ انہوں نے پنجاب اور پاکستان بھر کے نوجوانوں سمیت اوورسیز پاکستانیوں اور بین الاقوامی مہمانوں کو بھی بسنت 2027 میں شرکت کی دعوت دی ہے۔
مریم نواز نے کہا کہ لاہور ایک بار پھر بسنت کے رنگوں سے جگمگائے گا اور اس موقع پر مختلف ثقافتی و تفریحی سرگرمیوں کا بھی اہتمام کیا جائے گا۔
