کراچی (پاک ترک نیوز ) ڈسٹرکٹ اینڈ سیشن عدالت جنوبی کراچی نے قتل بالسبب کے مقدمے میں ملزمہ انمول عرف پنکی پر فردِ جرم عائد کر دی۔ملزمہ انمول عرف پنکی نے صحتِ جرم سے انکار کر دیا۔
ملزمہ انمول عرف پنکی کے خلاف قتل بالسبب کے مقدمے کی سماعت ہوئی جس میں ملزمہ انمول عرف پنکی کو ویڈیو لنک کے ذریعے پیش کیا گیا۔
عدالت نے استغاثہ کے گواہان کو کو طلب کر لیا جبکہ پراسیکیوشن نے شواہد جمع کرنے تک سماعت ملتوی کرنے کی سفارش کی۔
پولیس نے عدالت میں بتایا کہ ملزمہ کے خلاف مقدمہ بغدادی تھانے میں درج ہے۔پولیس نے حتمی چالان میں قتل کی دفعات خارج کر کے قتل بالسبب کی دفعات شامل کی تھیں۔
