کراچی(پاک ترک نیوز )سونے کی قیمت میں مسلسل چوتھے روز اضافہ ریکارڈ کیا گیا ہے، جس کے بعد فی تولہ سونا مزید 2 ہزار 200 روپے مہنگا ہوگیا۔
صرافہ مارکیٹ کے مطابق 2 ہزار 200 روپے اضافے کے بعد 24 قیراط فی تولہ سونے کی قیمت 4 لاکھ 56 ہزار 536 روپے ہوگئی۔
اسی طرح 10 گرام سونے کی قیمت میں بھی اضافہ ہوا اور یہ ایک ہزار 887 روپے بڑھ کر 3 لاکھ 58 ہزار 406 روپے ہوگئی۔
عالمی مارکیٹ میں بھی سونے کی قیمت میں اضافہ دیکھا گیا، جہاں فی اونس سونا 22 ڈالر مہنگا ہوکر 4 ہزار 341 ڈالر کی سطح پر پہنچ گیا۔
دوسری جانب ملک میں چاندی کی قیمت میں کمی ہوئی ہے۔ فی تولہ چاندی 113 روپے سستی ہوکر 6 ہزار 826 روپے پر آگئی۔
