ڈیرہ غازی خان میں 2ہزار برس پرانے 400 سکے دریافت

ڈیرہ غازی خان (پاک ترک نیوز) ڈیرہ غازی خان میں پہاڑی ندی سے2ہزار برس پرانے 400 قدیم سکے دریافت ہوئے ہیں ۔
آثار قدیمہ کے حکام نے 2000 سال پرانے تقریباً 400 سکے قبضے میں لے لیے ہیں۔
ان سکوں کو مقامی افراد نے ڈیرہ غازی خان میں حضرت سخی سرور سید احمد سلطان کے مزار کے قریب کوکی ہل ٹورینٹ سے دریافت کیا۔
حضرت سید احمد سلطان 1077 میں اس علاقے میں تشریف لائے اور اہل خانہ سمیت شہید ہوئے اور یہیں دفن ہوئے۔ انہوں نے علاقے میں اسلام کی تبلیغ میں اہم کردار ادا کیا۔
مورخین کا کہنا ہے کہ اسلام کی آمد سے قبل اس قصبے میں قدیم مندر موجود تھا ۔
قدیم زمانے میں عقیدت مندوں یا زائرین کے لئے قدیم مندر کی طرف جانے والے راستے پر ڈھودہ رانا (مقامی میٹھی روٹی ڈھوڈا) کہلانے والے دو آرام گھر بھی تھے۔ تاہم اب منفرد طرز تعمیر کی عمارت کو تبدیل کر دیا گیا ہے۔ تیسرا ڈھوڈہ رانا قدیم گاؤں وڈور میں واقع تھا کیونکہ یہ گاؤں قدیم راستے/سڑک پر تھا جو نگاہ-مقام یا سخی سرور کی طرف جاتا ہے اور افغانستان تک جاتا ہے۔ مغل بادشاہ بابر نے بھی یہ قدیم راستہ استعمال کیا تھا۔