کیوی لیجنڈ راس ٹیلر کی انٹرنیشنل کرکٹ میں واپسی

کرائسٹ چرچ(پاکت رک نیوز ) نیوزی لینڈ کے لیجنڈ اور آئی سی سی ورلڈ ٹیسٹ چیمپئن شپ کے فاتح راس ٹیلر انٹرنیشنل کرکٹ میں واپسی کے لیے تیار ہیں۔
راس ٹیلر عمان میں ہونے والے آئندہ ایشیا ایسٹ ایشیا پیسیفک ٹی 20 ورلڈکپ 2026 کوالیفائر میں ساموا کی نمائندگی کریں گے، ٹیلر کو آج ساموا کے نامزد سکواڈ میں شامل کیا گیا ہے۔
ٹیلر نے انسٹاگرام پر جاری پیغام میں کہا ہے کہ اپنے ورثے، ثقافت، گاؤں اور خاندان کی نمائندگی کرنا میرے لیے بہت بڑا اعزاز ہے۔
یاد رہے کہ راس ٹیلر کی والدہ کا تعلق ساموا سے ہے جس کی بناء پر ان کے پاس ساموا کی شہریت بھی ہے اور اپریل 2022 میں نیوزی لینڈ کے لیے کھیلے گئے اپنے آخری میچ کے بعد تین سال کا سٹینڈ آؤٹ پیریڈ مکمل ہونے پر وہ اپنی دوسری قومی ٹیم کی نمائندگی کے اہل ہو گئے ہیں۔
نیوزی لینڈ کی جانب سے ٹیلر نے اپنے انٹرنیشنل کیریئر میں 18 ہزار سے زائد رنز بنائے ہیں جبکہ وہ ٹی 20 انٹرنیشنلز میں 122.37 کے سٹرائیک ریٹ سے 1909 رنز بنا چکے ہیں۔