واشنگٹن (پاک ترک نیوز )امریکی وزیر جنگ پیٹ ہیگستھ نے پاکستان کو امریکا کا مخلص دوست قرار دیتے ہوئے کہا کہ وزیراعظم پاکستان شہباز شریف اور فیلڈ مارشل عاصم منیر ایران امریکا امن مذاکرات میں شاندار کردار ادا کر رہے ہیں۔
سنگاپور میں ایک انٹرویو کے دوران پیٹ ہیگستھ کا کہنا تھا ایران کے ساتھ جو بھی ڈیل ہوگی اچھی ہوگی، ایران کے پاس ایٹمی ہتھیار نہیں ہونا چاہئیں، ایران کسی صورت جوہری ہتھیار نہیں رکھ سکتا۔
ایران امریکا مذاکرات میں پاکستان کے کردار سے متعلق سوال پر امریکی وزیر جنگ کا کہنا تھا پاکستان امریکا کا مخلص دوست ہے، وزیراعظم پاکستان اور فیلڈ مارشل امن مذاکرات میں شاندار کردار ادا کررہے ہیں، دونوں ملکوں کے درمیان سچی دوستی پروان چڑھ رہی ہے۔
پیٹ ہیگستھ کا کہنا تھا صدر ڈونلڈ ٹرمپ امریکی مفادات کو مدنظر رکھ کر ایران سے متعلق فیصلہ کریں گے۔
