امریکا کا پشاور میں امریکی قونصل خانہ بند کرنے کا اعلان

پشاور ( پاک ترک نیوز) امریکی محکمہ خارجہ نے پشاور میں قائم امریکی قونصل خانے کو مرحلہ وار بند کرنے کا اعلان کر دیا۔ امریکی محکمہ خارجہ کے جاری کردہ بیان کے مطابق خیبر پختون خوا سے متعلق سفارتی امور کی ذمے داری اب اسلام آباد میں قائم امریکی سفارتخانے کو منتقل کر دی جائے گی۔فیصلے کو سفارتی عملے کی سیکیورٹی کو یقینی بنانے اور وسائل کے مؤثر استعمال کے تناظر میں اہم قرار دیا گیا ۔
امریکی محکمہ خارجہ کا کہنا ہے کہ اس تبدیلی کے باوجود پاکستان سے متعلق امریکی پالیسی ترجیحات برقرار رہیں گی، امریکا خیبر پختون خوا کے عوام اور حکام کے ساتھ روابط جاری رکھے گا تاکہ معاشی تعلقات کو فروغ دیا جا سکے۔
امریکی محکمہ خارجہ کا کہنا ہے کہ علاقائی سلامتی مضبوط بنانے کے لیے خیبر پختون خوا کے عوام اور حکام سے روابط جاری رہیں گے، امریکی مفادات کے تحفظ کے لیے خیبر پختون خوا کے عوام اور حکام سے روابط جاری رکھیں گے۔