بنگلا دیشی فاسٹ بولر ناہید رانا نے پشاور زلمی کو جوائن کر لیا

لاہور( پاک ترک نیوز) بنگلا دیشی فاسٹ بولر ناہید رانا نے پشاور زلمی کو جوائن کر لیا۔
بنگلا دیش کرکٹ بورڈ نے ناہید رانا کو پشاور زلمی کی جانب سے فائنل کھیلنے کے لیے خصوصی اجازت دی ،نیوزی لینڈ کے خلاف ون ڈے سیریز کی وجہ سے ناہید رانا وطن واپس چلے گئے تھے ۔
واضح رہے کہ پاکستان سپر لیگ کا فائنل اتوار کو قذافی اسٹیڈیم میں کھیلا جائے گا ، پشاور زلمی آخری معرکہ کیلئے کوالیفائی کر چکی ہے جبکہ آج ایلیمنیٹر ٹو میں اسلام آباد اور حیدر آباد کی ٹیمیں مد مقابل آئیں گی ۔ کامیابی حاصل کرنے والی ٹیم کا مقابلہ اتوار کو فائنل میں زلمی سے ہو گا۔