پی ٹی آئی رہنماؤں کی اڈیالہ جیل کے قریب پولیس افسروں سے تلخ کلامی

راولپنڈی ( پاک ترک نیوز) پاکستان تحریک انصاف کے رہنما سلمان اکرم راجہ،علی محمد خان اور دیگر کو بانی پی ٹی آئی سے ملاقات سے روک دیا گیا ۔
داہگل ناکہ پر سلمان اکرم راجا اور علی محمد کی پولیس افسروں سے تلخی ہوئی،علی محمد خان نے کہا آپ ہمیں کس قانون کے تحت یہاں روکتے ہیں۔
ہم عدالتی احکامات کے مطابق یہاں آتے ہیں،اگر کل آپکو عدالت بلاتی ہے تو آپ کیا جواب دیں گے، پارلیمنٹ میں جو قوانین بنتے ہیں وہ ہمارے ہاتھوں سے بنتے ہیں ، سینیٹر ہمایوں مہمند نے کہا قیامت کے دن آپ اعمال کا کیا حساب کتاب دیں گے۔