ضلع خیبر میں آپریشن ،بھارتی حمایت یافتہ 22خوارج ہلاک

خیبر (پاک ترک نیوز) ضلع خیبر میں سکیورٹی فورسز نے انٹیلی جنس بیسڈ آپریشن کیا جس کے دوران بھارتی حمایت یافتہ بائیس خوارج مارے گئے، اسلحہ اور گولہ بارود برآمد کر لیا گیا ۔
خوارج کی اندھا دھند فائرنگ سے دس سالہ معصوم بچہ شہید ہو گیا ۔
آئی ایس پی آر کے مطابق ہلاک خوارج دہشت گرد کارروائیوں میں ملوث تھے، علاقے میں مزید دہشت گردوں کے خاتمے کے لیے کلیئرنس آپریشن جاری ہے۔
سکیورٹی فورسز عزمِ استحکام کے تحت دہشت گردی کے خلاف کارروائیاں جاری رکھیں گی۔ معصوم شہریوں کی قربانیاں دہشت گردی کے خاتمے کے عزم کو مزید مضبوط بناتی ہیں۔