پرائیڈ آف پرفارمنس قوال عزیز میاں کا یوم پیدائش

لاہور( پاک ترک نیوز) پرائیڈ آف پرفارمنس قوال عزیز میاں کا آج یوم پیدائش ہے ۔
عزیز میاں قوال سترہ اپریل انیس سو بیالیس کو بھارت میں پیدا ہوئے ، اللہ ہی جانے کون بشر ہے، یا نبی یا نبی سمیت سینکڑوں قوالیاں گا کر شہرت کی بلندیوں تک پہنچے، ان کی زیادہ تر قوالیوں کی شاعری بھی ان کی اپنی تخلیق کردہ تھی۔
اپنے منفرد، بھاری بھرکم اور بارعب انداز گائیکی کے باعث عزیز میاں پاکستان سمیت دنیا بھر کے کئی دیگر ممالک میں انتہائی عزت و احترام کی نگاہ سے دیکھے جاتے تھے۔
، عزیز میاں 6 دسمبر 2000ء کو 58 برس کی عمر میں مختصر علالت کے بعد جہان فانی سے کوچ کر گئے تھے۔ منفرد اور بارعب انداز گائیکی آج لوگوں میں مقبول ہے۔