اسلام آباد (پاک ترک نیوز ) تحریک انصاف کے لیے بری خبر آ گئی ہے ،فارن فنڈنگ کیس میں بانی پی ٹی آئی کو مرکزی ملزم قرار دے دیا گیا ، ایف آئی اے نے ستاون صفحات پر مشتمل چالان بھی تیار کر لیا ،چالان میں مجموعی طور پر گیارہ ملزموں کو نامزد کیا گیا ہے ،ان ملزموں میں طارق شفیع، حامد زمان سمیت دیگر افراد شامل ہیں ،عارف نقوی اور طارق رحیم شیخ تین ملزموں کو اشتہاری قرار دے دیا گیا ہے ،ایف آئی اے کی طرف سے تیار چالان کے مطابق دنیا کے مختلف ممالک سے پی ٹی آئی کے اکاؤنٹ میں ایک ہزار آٹھ سو سے زائد ٹرانزیکشنز ہوئیں ،،ملزموں پر دو اعشاریہ ایک ملین ڈالر کی غیر قانونی فنڈںگ کا الزام ہے ،ایف آئی اے چالان کے مطابق پی ٹی آئی کی جانب سے الیکشن کمیشن کو فراہم کردہ ریکارڈ میں اس کمپنی کی ملکیت عارف نقوی کے نام ظاہر کی گئی ہے پارٹی کے جمع کروائے گئے ریکارڈ کے مطابق کمپنی کیمن آئرلینڈ میں رجسٹرڈ بتائی گئی ہے۔ چالان کے مطابق مذکورہ کمپنی فیک ہے اور کہیں رجسٹرڈ نہیں پائی گئی۔سپیشل عدالت نے ایف آئی اے کو چالان جلد عدالت میں جمع کرانے کی ہدایت کی ہے،ادھر نب بینکنگ عدالت اسلام آباد میں بانی پی ٹی آئی و دیگر کے خلاف فارن فنڈنگ کیس کی سماعت ہوئی ، جج عبدالغفور کاکڑ نے استفسار کیا کہ چالان کی کیا صورتحال ہے، جس پر پراسکیوٹر واثق ملک نے عدالت کو بتایا کہ چالان مکمل طور پر تیار ہو چکا ہے اور ان کی جانب سے آج یا کل تک رجسٹرار کے پاس جمع کروا دیا جائے گا۔۔عدالت نے کیس کی سماعت اکیس اپریل تک ملتوی کر دی ہے۔ا بانی پی ٹی آئی و دیگر کے خلاف ایف آئی اے نے منی لانڈرنگ اور دیگر دفعات کے تحت مقدمہ درج کر رکھا ہے۔
تحریک انصاف کیلئے بُری خبر،بانی کے گرد گھیرا تنگ
