بنکاک ( پاک ترک نیوز) تھائی لینڈ میں مقابلہ حسن کے دوران خاتون کے دانت اسٹیج پر گر گئے ۔
تفصیلات کےمطابق تھائی لینڈ میں مقابلہ حسن کے دوران مس گرینڈ تھائی لینڈ مقابلے کے دوران خاتون کے تعارف کرانے کے دوران دانت اسٹیج پر گر گئے۔ خاتون نے نہایت مہارت اور اعتماد کے ساتھ صورتِ حال کو سنبھال لیا۔
یہ منظر ججز اور براہِ راست موجود ناظرین کے سامنے پیش آیا، تاہم کمولوان چاناگو گھبراہٹ کا مظاہرہ کرنے کے بجائے پُرسکون رہیں اور چند لمحوں کے لیے مڑیں، اپنے ڈینٹل وینیئرز درست کیے اور دوبارہ اعتماد کے ساتھ اپنی پرفارمنس جاری رکھی ۔ان کے اس پُراعتماد اور پیشہ ورانہ رویے نے حاضرین کے دل جیت لیے اور ہال تالیوں سے گونج اٹھا۔
