واشنگٹن (پاک ترک نیوز)ایران جنگ نے مشرق وسطیٰ کو اپنی لپیٹ میں لے رکھا ہے ،، ایران، امریکا اور اس کے اتحادیوں کے درمیان بڑھتی ہوئی لڑائی میں نہ صرف میزائل اور ڈرون استعمال ہو رہے ہیں بلکہ کئی جنگی طیارے بھی تباہ ہو چکے ہیں۔ سوال یہ ہے کہ اس جنگ کے دوران امریکا کو فضائی محاذ پر کتنا نقصان اٹھانا پڑا؟
ایران کے خلاف جاری فوجی کارروائیوں کے دوران امریکا کے کم از کم چار فوجی طیارے تباہ ہو گئے ، حال ہی میں عراق میں امریکا کا کے سی 135 ری فیولنگ طیارہ عراق میں گر کر تباہ ہوا، ، امریکی حکام کے مطابق یہ حادثہ دشمن کی فائرنگ سے نہیں بلکہ ایک واقعے کے باعث پیش آیا، تاہم ایران نواز گروہوں نے دعویٰ کیا کہ انہوں نے اسے مار گرایا۔
اس سے پہلے کویت کی فضائی حدود میں تین امریکی ایف 15 ای جنگی طیارے تباہ ہوئے، امریکی حکام کے مطابق کویتی فضائیہ کی غلطی کی وجہ سے طیارے مار گرائے گئے ،، تینوں جہازوں کے پائلٹ بچ گئے ،
خلیج کے علاقے میں امریکی ڈرونز کو بھی نشانہ بنایا گیا، دفاعی ماہرین کے مطابق امریکا اب بھی فضائی برتری برقرار رکھنے کا دعویٰ کرتا ہے اور سینکڑوں فضائی حملے کر چکا ہے۔ تاہم طیاروں کے گرنے کے واقعات اس بات کی نشاندہی کرتے ہیں کہ مشرق وسطیٰ کی یہ جنگ صرف زمینی یا میزائل جنگ نہیں بلکہ ایک پیچیدہ فضائی محاذ بھی بن چکی ہے۔
ماہرین خبردار کر رہے ہیں کہ اگر جنگ مزید پھیلی تو نہ صرف مزید طیارے تباہ ہو سکتے ہیں بلکہ پورا خطہ ایک بڑی فضائی جنگ میں بھی تبدیل ہو سکتا ہے۔
