ڈھاکہ ( پاک ترک نیوز) تین میچوں پر مشتمل سیریز کے پہلے ایک روزہ میچ میں بنگلہ دیش نے ٹاس جیت کر پہلے فیلڈنگ کا فیصلہ کیا ہے۔پاکستان کی بنگلہ دیش کیخلاف بیٹنگ جاری ہے ۔
پاکستان اور بنگلہ دیش کی ٹیمیں تین میچوں پر مشتمل سیریز کے پہلے ایک روزہ میچ میں آج مد مقابل ہیں ۔
قومی ٹیم کی قیادت شاہین شاہ آفریدی کررہے ہیں جبکہ بنگال ٹائیگرز کے قائد مہدی حسن ہیں۔دونوں ٹیمیں 2025میں چیمپئنز ٹرافی کے میچ میں مد مقابل آئی تھیں جہاں بارش کے باعث میچ منسوخ کردیا گیا تھا ۔پاکستان سکواڈ سے بابر اعظم اور صائم ایوب کو فارغ کیا گیا ہے ان کی جگہ نوجوان کھلاڑیوں کو شامل کیا گیا ہے جن میں غازی غوری ،شمائل حسین،عبدالصمد شامل ہیں۔
دونوں ٹیمیں اب تک 39مرتبہ ون ڈے میں مد مقابل آ چکی ہیں جہاں شاہینوں کا پلڑا بھاری ہے ۔پاکستان نے 34جبکہ بنگال ٹائیگرز نے 5میچز میں کامیابی سمیٹی ہے۔
سیریز کا دوسرا ایک روزہ میچ 13جبکہ تیسرا اور آخری ون ڈے 15مارچ کو کھیلا جائے گا ۔
