لاہور( پاک ترک نیوز) یو ٹیوبر رجب بٹ سے طلاق ملنے کے بعد سابقہ بیوی ایمان رجب نے خاموشی توڑ دی۔
سوشل میڈیا پر طلاق کے نوٹس کی تصاویر شیئر کر دیں ،کہتی ہیں ابتدا میں اپنی شادی کو بچانے کے لیے خاموشی اختیار کی، حال ہی میں ایک پوڈکاسٹ میں رجب بٹ کی جانب سے مجھ پر اور میرے خاندان کے خلاف جھوٹے الزامات عائد کیے گئے، جس کے بعد مجھے طلاق کے کاغذات بھی بھیج دیئے گئے۔
اپنی انسٹا گرام اسٹوری میں ایمان رجب نے سوال اٹھایا کہ اس تمام صورتِ حال میں میرا اور میرے بیٹے کا کیا قصور ہے؟ ان کا کہنا ہے کہ میں اس معاملے پر بہت کچھ کہنا چاہتی ہوں، مگر رمضان کے مقدس مہینے کے احترام میں فی الحال خاموش رہنے کا فیصلہ کیا ہے۔رجب بٹ نے دو ہزار چوبیس میں ایمان فاطمہ سے شادی کی ،شادی کی تقریبا سوشل میڈیا پر وائرل ہوئیں ،چند ماہ بعد میاں بیوی میں اختلافات سامنے آنے لگے ،،رجب بٹ نے حالیہ پوسٹ کارڈ میں اعلان کیا کہ وہ اپنی شادی کو مزید جاری نہیں رکھ پائیں گے ،ایسے رشتے میں نہیں رہنا چاہتا جو منافقت پر مبنی ہو ۔
سوشل میڈیا پر کچھ لوگ رجب بٹ کے فیصلے کی حمایت کر رہے ہیں، جبکہ دیگر صارفین ایمان فاطمہ کے حق میں ہمدردی ظاہر کر رہے ہیں۔ کچھ صارفین نے رجب بٹ پر بے وفائی کے الزامات لگائے ،بعض لوگوں کا کہناہے ذاتی مسائل کو سوشل میڈیا پر لانا مناسب نہیں ۔
رجب بٹ کی سابق بیوی ایمان نے خاموشی توڑ دی
