پاکستان اور سری لنکا کے درمیان دوسرا ون ڈے میچ آج ہوگا

راولپنڈی ( پاک ترک نیوز) پاکستان میں کھیلوں کی سرگرمیوں کو متروک کرنے کا بھارتی ہتھکنڈا ناکام ہوگیا۔
راولپنڈی کرکٹ سٹیڈیم میں پاکستان اور سری لنکا کے درمیان دوسرا ون ڈے میچ آج ہوگا۔ ٹاس دوپہر دو بجے ہوگا جبکہ میچ کا آغاز ڈھائی بجے ہوگا۔
پاکستان نے پہلے ون ڈے میں فتح حاصل کرکے تین میچز کی سیریز میں 0-1 کی برتری حاصل کر رکھی ہے۔
واضح رہے کہ پہلے ون ڈے میچ کے بعد سیکیورٹی خدشات کے باعث سری لنکن ٹیم کے بعض کھلاڑیوں نے دورہ ادھورا چھوڑ کر وطن واپس جانے کی درخواست کی تھی۔فیلڈ مارشل عاصم منیر کی سری لنکن حکام کو یقین دہانی کے بعد دورہ جاری رکھنے کا فیصلہ کیا گیا۔
وزیر داخلہ و چیئرمین پی سی بی محسن نقوی نے بھی سری لنکن کھلاڑیوں سے ملاقات کرکے فول پروف سیکیورٹی فراہم کرنے کا یقین دلایا۔
پاکستانی کھلاڑیوں اور شائقین نے بھی سری لنکن ٹیم کے اس مشکل وقت میں پاکستان کی حمایت جاری رکھنے پر شکریہ ادا کیا۔