ترکیہ: فٹبال میں سٹے بازی کا بڑا سکینڈل، ہزاروں کھلاڑی معطل

انقرہ ( پاک ترک نیوز) ترکیہ میں فٹبال میں سٹے بازی کا بڑا اسکینڈل سامنے آنے کے بعد ہزاروں کھلاڑیوں کو معطل کردیا گیا۔
ترک حکام نے فٹبال میچز پر غیر قانونی سٹے بازی کے الزام میں 8 افراد کو گرفتار کرلیا جن میں ایک بڑے کلب کے چیئرمین بھی شامل ہیں۔
فٹبال فیڈریشن نے 1024 کھلاڑیوں کو تحقیقات مکمل ہونے تک معطل کردیا ہے جن میں سپر لیگ کلبز بشمول گلاتاسرائے اور بشکطاش کے 27 فٹبالرز بھی شامل ہیں۔
دوسری اور تیسری ڈویژن کی لیگز بھی 2 ہفتوں کے لیے معطل کر دی گئی ہیں۔
فیفا سے 15 دن کی خصوصی ٹرانسفر ونڈو کیلئے اجازت طلب کی گئی ہے تاکہ کلب اپنی ٹیمیں مکمل کر سکیں۔