گوادر ( پاک ترک نیوز) سیکیورٹی فورسز نے گوادر میں دہشت گردی کی کوشش ناکام بناتے ہوئے خاتون سمیت 10 دہشت گردوں کو ہلاک کر دیا۔آئی ایس پی آر کے مطابق دہشت گردوں نے گبد بارڈر کراسنگ اور گوادر شہر میں کارروائی کی کوشش کی، تاہم سیکیورٹی فورسز نے بروقت کارروائی کرتے ہوئے کلیئرنس آپریشن کے دوران دہشت گردوں کے عزائم ناکام بنا دیے۔آئی ایس پی آر کا کہنا ہے کہ فائرنگ کے تبادلے میں خاتون سمیت 10 دہشت گرد ہلاک ہوئے، جبکہ دہشت گرد حملے میں ایک شہری شہید ہو گیا اور بعض گاڑیوں کو بھی نقصان پہنچا۔ آپریشن کے دوران سیکیورٹی فورسز کا کوئی جانی نقصان نہیں ہوا۔
ترجمان پاک فوج کے مطابق بلوچ خاتون کو حملے میں استعمال کرنا بلوچ خواتین کی حرمت کے خلاف جرم ہے۔ دہشت گرد بلوچ خواتین کو اپنے مذموم مقاصد اور پروپیگنڈے کے لیے استعمال کر رہے ہیں۔آئی ایس پی آر نے واضح کیا ہے کہ عزمِ استحکام کے تحت ملک سے دہشت گردی کے خاتمے کے لیے انسدادِ دہشت گردی کی مہم بھرپور انداز میں جاری رہے گی۔
یہ بھی پڑھیں: تائیوان میں طاقتور سمندری طوفان چمپی کی تباہ کاریاں، ایک شخص ہلاک، سینکڑوں پروازیں منسوخ
