پشاور(پاک ترک نیوز) محکمہ موسمیات نے خیبرپختونخوا کے مختلف اضلاع میں آج بارش، گرج چمک اور تیز ہواؤں کی پیش گوئی کر دی۔ بعض مقامات پر تیز بارش اور ژالہ باری کا بھی امکان ہے۔
محکمہ موسمیات کے مطابق بالائی خیبرپختونخوا میں چترال، دیر، سوات، کوہستان اور شانگلہ میں بارش متوقع ہے، جبکہ بٹگرام، تورغر، مانسہرہ، ایبٹ آباد اور ہری پور میں بھی بارش ہو سکتی ہے۔
پشاور، مردان، صوابی، نوشہرہ اور چارسدہ سمیت مختلف علاقوں میں گرج چمک کے ساتھ بارش کا امکان ظاہر کیا گیا ہے۔ بونیر، ملاکنڈ، باجوڑ، مہمند اور خیبر میں بھی بارش کی پیش گوئی کی گئی ہے۔
یہ بھی پڑھیں: کویت کا برطانیہ سے فضائی دفاعی نظام خریدنے کا معاہدہ
محکمہ موسمیات کے مطابق کوہاٹ، ہنگو، کرم، اورکزئی، کرک، بنوں، لکی مروت، ٹانک، ڈیرہ اسماعیل خان اور وزیرستان میں بھی بارش متوقع ہے۔
