نیویاک(پاک ترک نیوز)عالمی منڈی میں خام تیل کی قیمتوں میں کمی ریکارڈ کی گئی ہے۔ گزشتہ کاروباری سیشن میں تقریباً دو ڈالر اضافے کے بعد تیل کی قیمتیں دوبارہ نیچے آ گئیں۔
عالمی منڈی میں برینٹ خام تیل کی قیمت 61 سینٹ، یعنی صفر اعشاریہ 57 فیصد کمی کے بعد 106 ڈالر 4 سینٹ فی بیرل ہو گئی۔
امریکی خام تیل ویسٹ ٹیکساس انٹرمیڈیٹ کی قیمت بھی 47 سینٹ، یعنی صفر اعشاریہ 5 فیصد کمی سے 93 ڈالر 27 سینٹ فی بیرل پر آ گئی۔
یہ بھی پڑھیں: شیر شاہ ٹرین حادثہ، وزیر ریلوے کا نوٹس، جاں بحق اور زخمی مسافروں کو معاوضہ دینے کا اعلان
اس سے قبل پیر کو برینٹ خام تیل کی قیمت 106 ڈالر 65 سینٹ فی بیرل پر بند ہوئی تھی، جو 15 ستمبر کے بعد بلند ترین سطح تھی۔
