دبئی (پاک ترک نیوز )آئی سی سی نے ستمبر کی شاندار کارکردگی کی بنیاد پر پلیئر آف دی منتھ کی نامزدگیوں کا اعلان کردیا۔مردوں کی کیٹیگری میں بھارت کے شبمن گل اور ابھیشک شرما کے ساتھ زمبابوے کے کپتان سکندر رضا کو بھی پلیئر آف دی منتھ کے لیے نامزد کیا گیا ہے۔تینوں کھلاڑیوں کو ستمبر کے دوران بہترین کارکردگی دکھانے پر نامزدگی ملی۔
خواتین کی کیٹیگری میں بھی بھارت کی دو کھلاڑی پلیئر آف دی منتھ کی دوڑ میں شامل ہیں۔ بھارت کی شفالی ورما اور سری چرنی کو نامزد کیا گیا ہے، جبکہ سری لنکا کی چماری اتاپتھو بھی خواتین کی کیٹیگری میں نامزد ہیں۔آئی سی سی پلیئر آف دی منتھ کا فاتح شائقین اور ماہرین کی ووٹنگ کے بعد منتخب کیا جائے گا۔
