نشین ( پاک ترک نیوز) ایشین گیمز کرکٹ فائنل میں بھارت نے پاکستان کو طلائی تمغے کے لیے 212 رنز کا ہدف دے دیا۔بھارتی ٹیم نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 211 رنز بنائے۔ابھیشک شرما نے جارحانہ بیٹنگ کرتے ہوئے صرف 28 گیندوں پر 61 رنز کی شاندار اننگز کھیلی، جبکہ شیوم دوبے نے 27، شریاس ایئر نے 21 اور ایشان کشن نے 20 رنز بنائے۔پاکستان کی جانب سے عرفات منہاس اور احمد دانیال نے 2،2 وکٹیں حاصل کیں۔
یہ بھی پڑھیں: ایشین گیمز کرکٹ فائنل،طلائی تمغہ کیلئے روایتی حریف پاکستان اور بھارت مد مقابل
پاکستانی ٹیم 212 رنز کے ہدف کے تعاقب میں بیٹنگ کر رہی ہے، جہاں اسے ایشین گیمز کے طلائی تمغے کے لیے مقررہ ہدف حاصل کرنا ہوگا۔فائنل کے لیے پاکستان ٹیم میں ایک تبدیلی کی گئی ہے، وسیم جونیئر کی جگہ سعد مسعود کو ٹیم میں شامل کیا گیا ہے۔
