اسلام آباد (پاک ترک نیوز )اپوزیشن اتحاد تحریک تحفظ آئین پاکستان کے سربراہ محمود خان اچکزئی نے وزیراعظم شہباز شریف کے خط کا جواب دینے کا فیصلہ کرلیا۔
ذرائع کے مطابق محمود خان اچکزئی وزیراعظم شہباز شریف کے 21 ستمبر کو لکھے گئے خط کا جواب دیں گے۔
ذرائع کا کہنا ہے کہ اپوزیشن لیڈر نے ملاقات کے لیے وزیراعظم ہاؤس یا وزیراعظم آفس جانے سے انکار کردیا ہے۔
محمود خان اچکزئی کا مؤقف ہے کہ ملاقات پارلیمنٹ کے آئینی روم یا اسلام آباد میں کسی بھی مناسب مقام پر ہونی چاہیے۔
ذرائع کے مطابق اپوزیشن لیڈر وزیراعظم ہاؤس یا وزیراعظم آفس میں ملاقات نہیں کریں گے۔
واضح رہے کہ وزیراعظم شہباز شریف نے محمود خان اچکزئی کو خط لکھ کر مذاکرات اور ملاقات کی دعوت دی تھی۔
وزیراعظم کی جانب سے اپوزیشن لیڈر کو ملاقات کے علاوہ الیکشن کمیشن میں تعیناتیوں سے متعلق بھی خط لکھا گیا تھا۔
