لاہور( پاک ترک نیوز) لاہور میں تیز بارش سے نشیبی علاقے ڈوب گئے،کوٹ لکھپت، ماڈل ٹاؤن، بھاٹی گیٹ، اردو بازار، جی پی اوچوک مال روڈ اور دیگر علاقوں میں موسلا دھار بارش ہوئی ۔
بارش سے سڑکوں پر پانی جمع ہونے سے ٹریفک کی روانی متاثرہوئی۔ شیخوپورہ ،فیروز والا اور دیگر شہروں میں بھی جل تھل ایک۔۔ بارش سے گرمی اور حبس کا زور ٹوٹ گیا۔
مری میں موسلا دھار بارش سے ندی نالے بپھر گئے،مختلف مقامات پر لینڈ سلائیڈنگ بھی ہوئی ہے۔
خیبر پختونخوا کے کئی علاقوں میں موسلا دھار بارش ہوئی ۔ لنڈی کوتل میں بارش اور سیلابی ریلوں نے تباہی مچا دی ،گاڑی بھی ریلے میں بہہ گئی،تین افراد جاں بحق ہو گئے،ریسکیو اہلکاروں نے تینوں لاشیں نکال لیں ۔
یہ بھی پڑھیں: خیبر پختونخوا میں بارشوں سے تباہی ،لاہور میں رم جھم
بارش اور سیلابی ریلوں سے کاغان نالہ بھی بپھر گیا ،بالاکوٹ کاغان شاہراہ بند ہو گئی،کئی سیاح پھنس گئے، مردان کے علاقے رستم میں چھت گرنے سے دو بچے جاں بحق ،ماں اور بیٹی زخمی ہو گئی۔
