پنجاب حکومت نے کچرا ٹیکس نافذ کردیا

لاہور( پاک ترک نیوز) پنجاب حکومت نے ستھرا پنجاب اقدام کے تحت صوبے بھر میں کچرا ٹیکس نافذ کردیا ہے۔
تفصیلات کے مطابق پنجاب نے کابینہ ڈویژن سے منظوری کے بعد ستھرا پنجاب (کلین پنجاب) اقدام کے تحت صوبے بھر میں نیا کچرا ٹیکس نافذ کر دیا ہے۔
ابتدائی طور پر لیوی کا اطلاق اعلیٰ درجے کے رہائشی اور تجارتی علاقوں پر کیا گیا ہے، لاہور میں وصولی لاہور ویسٹ مینجمنٹ کمپنی (LWMC) کی ریونیو اور آپریشنل ٹیموں کے ذریعے کی جائے گی۔
سکیم کے تحت، پانچ مرلہ کے شہری گھرانوں سے ماہانہ 300 روپے وصول کیے جائیں گے، جبکہ اسی سائز کے دیہی گھر 200 روپے ادا کریں گے۔ شہروں میں، 5 سے 10 مرلے کے گھر 500 روپے ادا کریں گے، جبکہ دیہی علاقوں میں 200 روپے ٹیکس نافذ کیا گیا ہے ۔
10 مرلہ سے ایک کنال تک کے مکانات کے لیے شہری علاقوں میں 1000 روپے اور دیہات میں 400 روپے ٹیکس مقرر کیا گیا ہے۔ دو سے چار کنال کے درمیان کی جائیدادوں پر دو ہزار روپے جبکہ چار کنال سے اوپر کے مکانات پر پانچ ہزار روپے وصول کیے جائیں گے۔ دیہی علاقوں میں دو کنال سے اوپر کے گھر 400 روپے ادا کریں گے۔