اسلام آباد (پاک ترک نیوز )آئی جی اسلام آباد کے احکامات پر اسلام آباد کے مختلف علاقوں میں بڑے پیمانے پر مشترکہ گرینڈ کومبنگ سرچ آپریشنز جاری ہے ،آئی جی اسلام آباد نے ضلع بھر میں گرینڈ سرچ آپریشنز کے احکامات جاری کیے
تھانہ کورال،تھانہ رمنا،تھانہ سنگجانی ،تھانہ مارگلہ ،تھانہ کھنہ، تھانہ انڈسٹریل ایریا، تھانہ بھارہ کہو، تھانہ گولڑہ اور تھانہ ہمک کے علاقوں میں سرچ آپریشنز کئے گئے
سرچ آپریشنز زونل ایس پیز کی زیر نگرانی کیے گئے۔سرچ آپریشنز میں لیڈیز پولیس نے بھی حصہ لیا۔سرچ آپریشن کے دوران 867 افراد اور 464 گھرانوں کو چیک کیا گیا۔سر چ آپریشنز کے دوران 35 ہوٹلز اور 86 دکانوں کو چیک کیا گیا، 373 موٹر سائیکلوں اور 125 گاڑیوں کی جانچ پڑتال کی گئی۔24 مشکوک افراد اور 27 موٹرسائیکلوں کو مزید جانچ پڑتال کے لیے متعلقہ تھانوں میں منتقل کیا گیا
اسلام آباد پولیس کے مطابق تمام پٹرولنگ یونٹس اور خصوصی سکواڈ شہر بھر میں گشت کر رہے ہیں،سینئر افسران فیلڈ میں موجود ،سکیورٹی انتظامات کا جائزہ لے رہے ہیں،شہری چیکنگ کے دوران پولیس سے تعاون کریں اور کسی بھی مشکوک سرگرمی کی فوری اطلاع دیں
