امریکی صدر کے ساتوں دعوے جھوٹے ہیں ،ایرانی سپیکر

تہران ( پاک ترک نیوز) ایرانی سپیکر باقر قالیباف کا کہنا ہے امریکی صدر ڈونلڈ ٹرمپ نے ایک گھنٹے میں سات دعوے کئے ،ساتوں جھوٹے ہیں ۔
ایسے دعوؤں سے امریکا کو فاتح نہیں سمجھا جاسکتا ، نہ ہی ان سے مذاکرات میں پیشرفت ممکن ہے۔
امریکا کی جانب سے گزرگاہ پر رکاوٹیں رہیں تو آبنائے ہرمز کھلی نہیں رہے گی۔ آبنائے ہرمز سے جہازوں کے گزرنے کا عمل مخصوص راستوں سے ہوگا ، اس کے لیے ایران کی اجازت لازم ہوگی۔
میڈیا جنگ اور عوامی رائے کو انجینئر کرنا جنگ کا اہم حصہ ہوتا ہے مگر ایرانی عوام ان حربوں سے متاثر نہیں۔ مذاکرات سے متعلق اگر حقیقی اور درست خبر جاننا ہو تو ایرانی محکمہ خارجہ کے ترجمان کا انٹرویو دیکھا جائے۔