اسلام آباد ( پاک ترک نیوز )وزیراعظم اور یورپی کونسل کے صدر کے درمیان ٹیلیفونک رابطہ ہوا ہے ،دونوں رہنماؤں نے مشرق وسطیٰ میں جاری کشیدگی کے ساتھ ساتھ پاکستان اور یورپی یونین کے تعلقات پر تبادلہ خیال کیا۔دونوں رہنماؤں نے ایران اور خلیجی ممالک میں جاری کشیدگی اور اس کے عالمی معیشت پر اثرات پر گہری تشویش کا اظہار کیا ۔دونوں رہنماؤں نے بحران کے حل کے لیے مذاکرات اور سفارتکاری کی ضرورت پر زور دیا۔وزیراعظم نے یورپی کونسل کے صدر کو مشرق وسطیٰ کے بحران میں کشیدگی کم کرنے کے لیے پاکستان کی ثالثی کوششوں سے متعلق تازہ پیش رفت سے بھی آگاہ کیا۔یورپی کونسل کے صدر کی جانب سے پاکستان کی امن کوششوں کی تائید کی گئی ، یورپی یونین خطے میں امن و استحکام کی بحالی کے لیے تمام سفارتی اقدامات کی حمایت کرتی ہے۔ وزیراعظم نے پاکستان اور یورپی یونین کے تعلقات کی اہمیت کو اجاگر کیا،وزیراعظم شہبازشریف نے کہا پاکستان ان تعلقات کو بہت اہمیت دیتا ہے۔ گزشتہ ماہ برسلز کا ان کا طے شدہ دورہ مؤخر ہو گیا تھا۔صدر یورپی یونین نے کہا باہمی طور پر طے شدہ تاریخوں پر وزیراعظم کا برسلز میں خیرمقدم کرنے کے منتظر ہیں۔
وزیراعظم اور یورپی کونسل کے صدر کا ٹیلیفونک رابطہ
