تیسرا ٹی ٹونٹی : پاکستان کی بنگلہ دیش کیخلاف بیٹنگ جاری

ڈھاکا: (دنیا نیوز) بنگلادیش نے تیسرے اور آخری ٹی 20 میچ میں پاکستان کیخلاف ٹاس جیت کر پہلے فیلڈنگ کا فیصلہ کیا ہے۔پاکستان کی بنگال ٹائیگرز کیخلاف بیٹنگ جاری ہے ۔
میرپور کے شیر بنگلا کرکٹ سٹیڈیم میں ہونیوالی ٹی 20 سیریز کے تیسرے اور آخری میچ میں میزبان ٹیم کے کپتان لٹن داس نے ٹاس جیت کر مہمان ٹیم کے کپتان سلمان علی آغا کو بیٹنگ کی دعوت دی ہے۔
پاکستان کی پلیئنگ الیون میں 2 تبدیلیاں کی گئی ہیں، فخر زمان کی جگہ اوپنر بلے باز صاحب زادہ فرحان کو اسکواڈ کا حصہ بنایا گیا ہے جبکہ خوش دل شاہ کو آرام دے کر حسین طلعت کو حتمی الیون میں شامل کیا گیا ہے۔
یاد رہے کہ میزبان ٹیم کو 3 میچوں کی سیریز میں دو صفر کی فیصلہ کن برتری حاصل ہے۔